Bek Didik Aneuk Ngon Kekerasan
Alhamdulillah lon pujoe Tuhan
Seulaweut lheuh nyan Akan Saidina
Cae lon tuleh Beu jeut keu peusan
Jeut keu pedoman Geutanyoe Dumna
Jameun Lawetnya wahe e Rakan
Salah didikan Dum ureung tuha
Le that ureung tanyoe Salah pedoman
Ngon kekerasan aneuk geubina
Sayang That rusa lam uteun Tuhan
Rimung meukawan Keunan jiteuka
Le that aneuk mit Leumoh pikiran
Trauma hana ban keu ureung tuha
Diaceh jinoe takalon rakan
Dum pelecehan aneuk tan dosa
Aneuk tan salah le jeut keu korban
jinoe hai rakan sama tajaga
Karna aneuk nyoe amanah Tuhan
Jaga hai taulan bek sia-sia
Tadidik beuget ngon cara sopan
Supaya disegan keu ureung tuha
Ie dalam guha dalam krung jitron
Abeh jipuron kaye ube na
Memang geuyu poh umu Tujoh thon
Tapi rakan lon beu meuoh cara
Bek wate tapoh Kaye duroh on
Oh lheuh ta peulhon
Tapoh that teuga
Neupoh seukadar mangat jih meuphom
Nyoe jeut ngon santon bek roh but gasa
Salam penulis
Septiawan