OLEH : CEK ABRAR
Seni lon kisah lam rubrik sastra
Haba peuingat bacut lon peugah
Seni daerah peumaju sigra
Ta kalon jinoe rata daerah
Rap rata langkah bak tajak mita
Seni budaya rap gadoh lam crah
Rap habeh punah ta kalon nyata
Dilee kon jameun di aceh meugah
Seni daerah meumacam rupa
Na peh rapai tarian pih pah
Nazam geu kisah dikee pih lom na
Wahee e adun cut bang meutuah
Seni daerah peu hayeu teuma
Nazam ngon ca e ta ulang kisah
Seudati lem lah keu aneuk muda