Meuleumpah that le keunoe lam donya,
Jinoe ka masa geu kayoh jalo,
Tuha ngon baro langue kuala.
Meumacam model oh ta-eu jalo,
Meulalo lalo meulomba lomba,
Soe nyang rame ek meunarek that le,
Keunan keuh baro cok kursi puta,
Tapi beuleuheun e pawang jalo,
Bek salah tajo rot lam kuala,
Bek salah dayong sirong peuraho.
Ka salah tajo han troh bak cita,
Jalo politek meutron ek that le,
Nakhoda peuraho beubijak sana,
Nyo goh lom muphom bek arong tajo,
Meujungkat jalo lam la ot raya,
Kamoe peunumpang timang meu uko,
Toh nyang get jalo cit ka meutanda,
Meunan cit pawang nakhoda peuraho,
Nyang muphom lalo nyan nyang meumita,,
Meunyo takalon bangon peuraho,
Hana si uko deungon nakhoda
Cit han meutem ek meu balek baho,
Mita peuraho nyang pah Nakhoda,,
Meunyo hana pah meutamah loyo,
Peue lom teukabo le narit riya,
Ka teuntee ji-oh lam laot ijo,
Keupeue peuraho tan get nakhoda,
Talakee do`a wahe rakan e
Bejroh peuraho arong samudra,
Upulo perca geuba rakyat le,
Hana meutajo ngon bijaksa,
Blang Bintang 27-10-2013