Yoh goh lon rangke Rinteh Sibanja
Seulaweut saleum akan pang ulee
Rasul yang jithee muhammad nama
Ie terjun jitron diateuh bate Rindang
bak kaye ie seuseulingka
Bacut lon ceukot masalah gure
Yang bri ileume yang peuturi A
Wahe adoe lon keumang Teungoh be
Tahormat gure yang peurnoe gata
Ngon hate ikhlas geubri ileume
Hingga troh Sampe Carong Digata
Bek oh jeut parot tuwoe keu pure
Ubat yang taple ta ingat hana
Bek oh carong droe tuwoe keu gure
Hana get lage lage nyan cara
Yang peutrang Hate yang bree ileume
Ureung yang keu lhee lheuh ureung tuha
Nyang tunyok jalan gata geu peu thee
Bek roh gob tipe oh wate Raya
Tabalah jasa meunyoe peureule
Akan keu gure yang Bimbing gata
Walau tan geuyu Gob nyan jak tunggee
Tan geujak gadee geujak bak gata
Ci pike Rakan deungon gleh ulee
Meunyoe tan guree peurunoe Gata
Hana jeut gata keu Ureung jithe
Mungken lam Abee taduk digata
Cae ulon top bah oh no dilee
Bak laen wate tasambong teuma
Mari rakan Tabalah jasa Di guree
Bek na le lale ingat bak punca
Wassalam..