Oleh: T.A. Sakti


Ilustrasi Piet (tungau-Indonesia)

Alhamdulillah sang-sang meukeunong

Bahle ta seumong ca-e baroesa

Ubak pembaca  ulon peureunong

Neukheun beukeunong ngat leubeh gura!


Keu Piet nyang likiet kisah ta seumong

Kayem peukeumong lumpuek bruek mata

Taklok ngon gukee han keunong-keunong

Ji musom lam Ngom sibulee mata


Kadang meukarat payah pakat Ngon

Cok Piet keumarom bek reudom mata

Masak sikai breueh geuklok han keunong

Nyang na meugram-gram teubiet ie mata


Meunyo aneukmiet hana peue tanyong

Bah mata keumong han jibri raba

Jiklik bantangan payah YAH sadong

Cok Piet teungoh dom geumita cara


Geupeugotle pak rinthak deungon NGON

Badan Piet teuglong ngon kong geuhila

Piet teugeuleuntit lam abee teulhom

Geucok geupingkom sira seurapa


“Hai Piet catok broek beudok seuniwon

Peue ka keumarom bak bineh mata

Mata ka lukip bit raya keumong

Ku pingkom-pingkom hai Piet ka rasa!”


Haba pingkom Piet cit dhiet meukeunong

Buet ureueng inong get geucalitra

Ngon babah w’et-w’ot lom muka meuhoeng

Gaki geutinggrom jaroe meuputa


Sang Piet geupriek-priek geugidong-gidong

Mangat rijang kom geuple ie sira

Sabab that palak ngon Sundak geurhom:

Manok keumarom k’op-k’op dilingka


Boeh soe han palak hai Cutkak Tunong

Ji mumat that kong Piet wabaputa!

Jibalek-balek meulungkop teugom

Cutiet han keunong lipeh leupah na


Geupeunyum-peunyum Nunnyok ngen Ginong

Kayem meuteugom cit bulee mata

Peue lom ngon mata lumpuek ka keumong

Keunong han keunong gukee geuraba


Mata tan meuklep babah meungom-ngom

Nyang theun ka bingong teubiet ie mata

Bek jadeh cok Piet hai Cuda bungong

Nyang nacit beephoeng bee naf’ah gata


Piet lam geuliyueng laen lom bangon

Di dalam keumong saket lagoi na

Sang su meu ‘u’u karu meudeungong

Teubingong-bingong ureueng nyang rasa


Piet lam geuliyueng geusyot ngen runong

Awe geupotong geuplah-plah lanja

Meunyo hanjeuet nyan geutanyong-tanyong

Baroh ngen Tunong ureueng bri cara


Taple ie bakong Piet gadoh nyawong

Kheun Teungku Sarong di Ujong Rimba

‘Oh mate tasyot ngen awe gulong

Ta sinthong-sinthong thok-thok keupala


Laen lom lagee kheun Toke Sabon

Gobnyan le keubon di gampong Lala

Piet lam geuliyueng bek boeh ie bakong

Lheueh nyan hanjeuet crong rijang klo gata!


Ngon minyeuk seu-uem po Piet beukah lhong

Mate meusinthong teubiet uluwa

Geuliyueng puleh nyang reugeh tummbon

Kheun Toke Sabon peue beutoi hana(?)


Bukonle sayang kayee Jeuraloh

Sabe hana boh sampe ‘an tuha

Laju kisah Piet tanyoe meuteuoh

Panyang lon rawoh ngat samporeuna


Asai teumpat Piet uteuen lampoh soh

Trok saboh-saboh kadang angen ba

Nan jih Piet Angen ureueng meuteu-oh

Bak jak meurawoh sangkot bak ija


Bak mita pineung bak jak pot U groh

Uteuen lampoh soh kayem meudoda

Ka meusawak Piet puwoe u rumoh

Udep ji mamoh darah bak mata


Kameng Keubiri Leumo Apa Ngoh

Kayem Piet seunoh geuliyueng dada

Keubeue nyang meurot Mie-ong di rumoh

Geuliyueng peunoh bak Piet meucuca


Tuwah nasib Mie tinggai di rumoh

Kadang Apa Ngoh geutem usaha

Geutem cutiet Piet geurinthak geulhoh

Abeh Manok coh preh diyub tangga


Leumo ngen Keubeue dalam weue rumoh

Cicem meusunoh nyan Piet ji mita

Cempala Ekbam dum Piet ji mamoh

Seupot ngen beungoh lam weue jiteuka


Peuteubiet u Blang jak meu’ue beungoh

Watee poh siploh piyoh seunia

Keubeue ji meurot Kuek seutot mehmoh

Jidong rueng teungoh Piet jijak mita


Leumo Lem Cut Gam kambam lampoh soh

Trok dua-lhee boh po Cicempala

Ngon Tiyong batee kadang museunoh

Karat-karat coh bandum Piet pahna


Jinoe ka jareueng ureueng meuteu-oh

Aneuk Piet mamoh bak teungoh mata

Ka watee langka Piet lingka rumoh

Aleh tamah jroh aleh jeuet bala(??!!)

Tambeh:

1) Piet adalah binatang kecil, tapi berkali-kali lebih besar dari Leubeng, yang telah saya WA-kan beberapa waktu lalu. Piet hidup di hutan semak-semak, makanannya darah manusia dan binatang seperti kucing, kambing, biri-biri, lembu, kerbau dan ayam.

Piet sering hinggap di antara bulu-bulu mata anak-anak, pada telinga kucing, kambing, biri-biri dan  di kulit kerbau  atau  lembu. Sekarang, makhluk yang menggeramkan para Ibunda ini sudah langka.

2) Menjelang bulan puasa yang lalu HP android saya rusak berat. Saya bawa kedua toko reparasi HP. Dua ahli di toko pertama segera angkat tangan tak mampu mengatasinya.

Tukang perbaiki di toko kedua sangat berhati mulia. Dia  berulang-kali mau membetulkan HP yang sudah saya gunakan hampir empat tahun itu, hingga bisa saya pakai lagi.

Tapi timbul ganjalan baru, yaitu tidak semua peserta WA muncul di permukaan. Peserta yang berupa grup tampil semua, tapi sebagian yang pribadi tersembunyi di belakang layar atau di balik pintu.

Peserta personal yang muncul sekitar sepertiga, sementara dua pertiga lagi menyelinap di belakang, tak langsung nampak saat HP dibuka. Saya mesti membuka kunci satu “pintu” lagi untuk melacaknya. Ada gejala pula nama-nama beliau itu sebagian besar terhapus, hanya ada nomor angka saja.

Saya punya pengalaman waktu Hari Raya ‘Idul Fitri 1443 H yang baru lalu. Beberapa orang yang sudi membalas ucapan Selamat Lebaran dari saya, nama beliau muncul kembali ke permukaan, padahal selama ini sudah tenggelam jauh di dalam.

Dalam hal ini, mencontoh apa yang telah terjadi itu, saya mohon kepada anggota WA bersama saya, agar mau merespon atau menanggapi sedikit saja, supaya nomor atau nama Anda tampil lagi.

Responnya cukup secuil saja, disertai menyebut nama.

3) Bagi yang ingin menyertai WA bersama saya, ada baiknya sedikit memperkenalkan diri.

Kalau sekedar menulis “Assalamu’alaikum...

Cukup saya jawab saja: Wa’alaikumussalam... ( dalam hati).


Bale Tambeh: Hameh, 11 Uroe Raya 1443 TH atawa   11 Syawal  1443 H bertepatan  12 Mei 2022 M, poh 07.25 wib.

SHARE :

0 facebook:

Post a Comment

 
Top