SMH

Oleh: Nurjannah Usman

Assalamualaikum warahmatuhu
Saleum keu teungku tuha ngoen muda
Nibak panton nyoe kisah loen tuju
Keudeh keu Abu Sayed nyang bena.

Wate ban lahe lagak sigitu
Geuboh nan hayeu awai le poma
Sayed Muhammad Husen panyang tamesu
Geu singkat laju SMH nama

Ureueng dermawan han pue taragu
Wate pajoh bu teman geu maba
Hana geu takot kosong lam saku
Prinsip di Abu sedekah sabena

Dicong bak panah cicem jimesu
Dicong bak lubu daruet meu doda
Takzim keu poma hana pre waktu
Asai na waktu saweu keluarga

Gampong di Sayed Trieng Gandeng teungku
Poma nyak melu Syaribanun nama
Dudoe menikah poma bi restu
Istri geutuju Bunaizah di Aceh Raya

Ureueng jih sopan bak tingkah laku
Geu pinang laju keu asoe kama
Cinta ngon gaseh dudoe terpadu
Rafidah luhu lahe u donya

Dara yang cantek aneuk di Abu
Gadis nyang lucu mameh lagoina
Putri shaliha didikan ibu
Prestasi hayeu dara jelita

Bak bineh pasie mata uroe hu
Cicem keumutru jiwo lam rimba
Meumada 'oh no keu sinyak meulu
Haba keu Abu tapewo sigra

Haba tapeuwo prestasi Abu
Panton tatuju keu bah media
Media sosial pih hana lesu
Berita tiep waktu zakat tabaca

Staf Subbag Program gop nyan hai teungku
Ide yang hayeu Baitul Mal Jaya
Bak geukeurija saling membantu
Yang hayeu Abu han tem meudawa

Di Baiturrahman gopnyan meusyuhu
Editor hayeu Tabloid Gema
Berita koran syiet ka geutupue
Maklum di Abu jemout membaca.

Si kureung blah sikureung limong gopnyan bersatu
Koran meusyehu Tabloid Gema
Koran syariah Aceh mesyehu
Menurot umu ka 26 saudara

Haba keu Islam setiap waktu
Abu disitu pimpinan berita
Setiap Jum'at rapat bak dapu
Mandum bersatu di dalam Gema

Bak Baitul Qiradh pih na di Abu
Saham disitu getabung sigra
Remaja Mesjid Raya disatu waktu
Watenyan Abu jabat ketua

Jiwa penulis ngoen baca buku
Hobbi yang hayeu bak berbicara
Carong mita ngoen han pue taragu
Walau yang bisu geupegah haba

Ureueng jih sopan syiet ka tatupue
Asai na karue han geutem raya
Geujaga narit wate geumusu
Gopnyan han laju mengadu domba

Ureueng ka tuha menurot umu
Tapi nyang hayeu gop nyan hi muda
Mungken geut akai ngoen tingkah laku
Maka Allah bi umu hie awet muda.

Gunong Seulawah hana apui hu
Tanaman luhu lagak lagoina
Meumada 'oh no haba keu Abu
Meu'ah hai teungku nyo salah kata

Neuheun, 20 September 2019

SHARE :