Oleh Tgk. M. Thaib Abu Bakar
Wahe saudara kaom lelaki
Bak pileh isteri beugot tajaga
Beuna tapateh lage kheun Nabi
Tapileh isteri nyang peut perkara
Nyang phon-phon beuna bak si isteri
Beuji mengerti hukom agama
Meunyo na agama bak sidro isteri
Nyang larang Rabbi han ji keurija
Han that ji galak sok leuweu jingki
Karna geu benci dalam agama
Peu kerinteng ok sangat geubenci
Karna di Nabi sangat neu cela
Teuma keudua wahe ya akhi
Tapileh isteri inong got bangsa
Meunyo got bangsa tapileh isteri
Tanyo suami sabe lam suka
Uro ngon malam got dilayani
Karna si isteri inong got bangsa
Teuma nyang keu lhe wahe ya akhi
Tapileh isteri nyang cantek rupa
Meunyo got rupa tapileh isteri
Tanyo suami sabe lam suka
Uro ngon malam gembira sabe
Serta hanale meu raba-raba
Teuma nyang keupeut wahe ya akhi
Nyang dimiliki sekedar harta
Meunyo na harta tapileh isteri
Mudah ta ato lam rumoh tangga
Geudong Pase, Aceh Utara, 1 Januari 1995
Editor : Hamdani Mulya
0 facebook:
Post a Comment